कैलाली । उज्यालो नेपाल पार्टीको कैलाली जिल्ला संयोजकको जिम्मेवारी छेदुलाल चौधरीलाई तोकिएको छ। नागरिक उन्मुक्ति पार्टीका संस्थापक प्रदेश सचिव रहँदै आएका चौधरीले गत पुष १ गते उज्यालो नेपाल पार्टीमा प्रवेश गरेका थिए।
पार्टी प्रवेशको क्रममा उज्यालो नेपाल पार्टीका अध्यक्ष अनुप कुमार उपाध्याय तथा पार्टीका संरक्षक कुलमान घिसिङले चौधरीलाई स्वागत गरेका थिए।
आज आयोजित कार्यक्रममार्फत पार्टीका केन्द्रीय सदस्यहरू प्रदीप चौधरी र मनोज जयगढीले उनलाई कैलाली जिल्ला संयोजकको जिम्मेवारी प्रदान गरेका हुन्। पार्टीले चौधरीको अनुभव, क्षमता र राजनीतिक योगदानलाई ध्यानमा राख्दै उक्त जिम्मेवारी दिएको जनाएको छ।
नव नियुक्त संयोजक चौधरीले पार्टीको नीति, सिद्धान्त र संगठन विस्तारमा सक्रिय भूमिका खेल्ने विश्वास पार्टी नेतृत्वले व्यक्त गरेको छ।
