कैलाली उद्योग वाणिज्य संघ, धनगढीले आयोजना गरेको सुदूरपश्चिम महोत्सव–२०८२ को अवसरमा सेती प्रादेशिक अस्पतालका वरिष्ठ बालरोग विशेषज्ञ डा. प्रदिप मिश्रलाई विशेष सम्मान गरिएको छ।
सुदूरपश्चिम प्रदेशको स्वास्थ्य क्षेत्रमा लामो समयदेखि पुर्याउँदै आउनुभएको दीर्घकालीन योगदान, विशेष गरी विपन्न तथा आर्थिक रूपले कमजोर परिवारका बालबालिकाहरूको उपचारमा देखाउनुभएको अतुलनीय समर्पण र समाजसेवाप्रतिको निःस्वार्थ भावनालाई कदर गर्दै उहाँलाई यो सम्मान प्रदान गरिएको हो।
डा. मिश्र विगत लामो समय देखि सेती प्रादेशिक अस्पतालमा कार्यरत हुनुहुन्छ र यहाँका गरिब तथा असहाय बालबालिकाहरूको निःशुल्क तथा गुणस्तरीय उपचारमा उहाँको योगदान सदैव प्रशंसनीय रहँदै आएको छ।
डा. प्रदिप मिश्रलाई स्वास्थ्य सेवाको क्षेत्रमा आगामी दिनमा पनि अँझै ठूलो सफलता, प्रेरणादायी नेतृत्व र उत्तरोत्तर प्रगतिको शुभकामना व्यक्त गरिएको छ।
