कैलाली जिल्लाको जोशीपुर गाउँपालिका –२ स्थित जनप्रकाश माध्यमिक विद्यालयको गेट अगाडि सोमबार
दिउँसो करिब १ बजे सोही गाउँपालिका ५ बसोबास गर्ने वर्ष ३५ का अजय चौधरीको शव फेला परेको हो। उनी छेदुलाल चौधरीका छोरा हुन्।
शव भेटिएपछि घटनाबारे स्थानीयवासीले प्रहरीलाई खबर गरेका थिए। प्रारम्भिक जानकारी अनुसार मृतक चौधरी विद्यालय अगाडि मृत अवस्थामा भेटिएका थिए। घटनाको कारण हालसम्म स्पष्ट भइसकेको छैन।
मृतकको शव पोस्टमार्टमको लागि भजनी प्राथमिक स्वास्थ्य केन्द्रमा पठाइएको छ।
प्रहरी प्रशासनले घटनाबारे थप अनुसन्धान गरिरहेको जानकारी दिएको छ।
