राष्ट्रिय प्रजातन्त्र पार्टी (राप्रपा) का अध्यक्ष राजेन्द्र लिङ्देनले राप्रपाका नेताहरूलाई पदमुक्त गरेपछि निर्वाचन आयोगले यसबारे राप्रपासँग जबाफ माग गरेको छ।
अध्यक्ष लिङ्देनले अनुशासन समिति अध्यक्षबाट नवराज सुवेदी, प्रवक्ताबाट सगुनसुन्दर लावतीलाई असार २५ गते र उपाध्यक्ष तथा केन्द्रीय सदस्यबाट मुकुन्दश्याम गिरीलाई साउन २ गते पदमुक्त गरेका थिए।
उक्त उजुरी प्राप्त भएपछि आयोगले यसबारे के भएको हो जानकारी दिनू भनेर राप्रपासँग जबाफ माग गरेको छ।
निर्वाचन आयोगकी प्रवक्ता सीता पोखरेल अर्यालले राप्रपाका नेताहरूबाट निवेदन आएकोले त्यसउपर के भएको हो भनेर राप्रपासँग बुझ्न पत्र पठाइएको जानकारी दिइन्।
यसको जबाफ राप्रपाले आयोगमा पठाइसकेको छैन।
