कैलालीको बर्दगोरिया गाउँपालिका–३ रानिकुण्डामा भल्मन्सा भवनको शिलान्यास गरिएको छ । उक्त भलमन्सा भवनको पालिका अध्यक्ष कर्ण बहादुर कुँवर र वडा नं. ३ का वडाध्यक्ष मन्ऋषी आचार्यले संयुक्त रूपमा शिलान्यास गर्नुभएको हो । सो भवन ४० लाख रुपियाँको लागतमा निर्माण हुने पालिका अध्यक्ष कर्ण बहादुर कुँवरले जानकारी दिनुभएको छ ।
भलमन्सा भवनको निर्माण कार्य गुणस्तरीय एवं फलदायी बनाउनका लागि उपभोक्ता समिति र स्थानीय सबै पक्षले निर्माण कार्यबारे चासो लिनुपर्ने र छिट्टै सम्पन्न गर्नु पर्ने अध्यक्ष कुँवरले आग्रह गर्नुभएको छ ।
रानीकुण्डा चौधरी टोल भवन निर्माण उपभोक्ता समितिका अध्यक्ष कल्लुराम डगौराले बर्दगोरिया गाउँपालिकाले बजेट बिनियोजित गरेकोमा धन्यवाद ब्यक्त गरे । साथै उनले यो भवन बने यहाँका भलमन्साहरुलाई कुनै कार्यक्रम ,बैठक बस्न सहज हुने बताए । पालिकाले अहिले १२ लाख ५० हजार बिनियोजन गरेको छ । आगमी बजेट आउने आर्थिक बर्षमा बिनियोजन गर्ने पालिकाले जनाएको छ ।
