नेकपा माओवादी केन्द्र मोहन्याल गाउँ कमिटीको तेस्रो ऐतिहासिक सम्मेलनबाट देवी दत्त उपाध्याय ‘हिम शिखर’ अध्यक्षमा सर्वसम्मत चयन हुनु भएको छ । सम्मेलन वडा नम्बर ३ फली बिसौनमा सम्पन्न भएको थियो।
सम्मेलनले हिम शिखरको अध्यक्षतामा नयाँ नेतृत्व चयन गरेको हो। उपाध्यक्षमा भीम बहादुर बिक, सुरेन्द्र जैसी र विशाल पहराइ चयन भएका छन्। सचिवमा जङ्ग बगाले मगर, सहसचिवमा बाबुराम रोका मगर र कोषाध्यक्षमा बमकुमारी घर्ती निर्विरोध चयन हुनु भएको हो ।
पार्टीका एक नेताका अनुसार ४५ सदस्यीय गाउँ कमिटी सर्वसम्मत रूपमा चयन गरिएको छ। सम्मेलनमा सहभागीहरूले मोहन्यालको विकास र संगठनको सुदृढीकरणका लागि नयाँ नेतृत्वले प्रभावकारी भूमिका खेल्ने विश्वास व्यक्त गरेका छन्।
कार्यक्रममा स्थानीय नेता, कार्यकर्ता र शुभेच्छुकहरूको उल्लेखनीय उपस्थिति रहेको थियो। सम्मेलनले संगठनलाई अझ मजबुत बनाउँदै जनताका समस्यामा जोड दिने प्रतिबद्धता जनाएको छ।
