सुधराम दहित
कैलालीको धनगढी, टीकापुर, सत्ति, भजनी बौनिया लगायतका ठाउँहरुमा खाद्य व्यवस्था तथा व्यापार कम्पनी लिमिटेड प्रदेशिक कार्यालय धनगढीले जोशीपुर गाउँपालिका वडा नं. ३ स्थित मनिकापुरमा आज आईतबार देखि कृषकका धान खरिदका लागि खाद्य काँटा सञ्चालन गरेको छ। गाउँपालिका अध्यक्ष चित्र बहादुर चौधरी, उपाध्यक्ष रेखा देवी कठरिया, प्रमुख प्रशासकिय अधिकृत प्रकाश ढुंगाना, प्रशासकिय अधिकृत मिन राज कठरिया, खाद्य व्यवस्था तथा व्यापार कम्पनी लिमिटेड प्रदेशिक कार्यालय धनगढीबाट टिकापुरमा खटाइएका वरिष्ठ सहायक पदमराज बजगाई लगायत कृषकहरुको उपस्थितमा पहिलो कृषक पदम बहादुर रानालाई फूलमाला लगाई खाद्य काँटा समुदघाटन भएका हो । नेपाल सरकारले तोकेको धानको समर्थन मूल्य अनुसार नेपाल सरकारको नितिको मातहतमा रहेर जोशीपुरमा कृषकहरुको धान प्रति ३४ सय १० रुपैया ५१ पैसामा खरिद गर्ने गरि खाद्य सञ्चालन भएको छ ।
सरकारी काँटा जोशीपुरका लागि धेरै ढिलो भयो । ९१ प्रतिशत कृषक रहेको यस क्षेत्रमा धान उत्पादन बढि नै हुने गर्दछ । दशैं दिपावलीको विचमा सरकारी मूल्य सहितको खाद्य काँटा सञ्चालन गर्नुपर्ने हो भन्ने कृषक तेतराम चौधरीले बताउनु भयो । त्यसै गरि धान बेच्न आउनु भएका पहिलो कृषक पदम बहादुर रानाले आधा धान बजारमा बेचिसकेको र बाँकी रहेको धान आज बेच्न ल्याएको बताए। उनले भेन “यहाँका ६० प्रतिशत कृषकहरुले बजारमा धान बेचिसकेका छन् । खाद्य सञ्चालनमा ढिलो भयो । सरकारले अर्को वर्ष चाँडै काँटा सञ्चालन गर्नु पर्छ ।”
