कैलालीको जोशीपुरमा नेपाल जेसीजको आयोजना तथा जोशीपुर जेसीजको आतिथ्यतामा जोशीपुर गा.पा. ४ झवहीको थारु फुडल्याण्डमा “Multi Chapter Local Officer Training” सम्पन्न भएको छ । तालिम जोशीपुर जेसीज वर्ष २०२४ का अध्यक्ष भरत डंगौराको सभाध्यक्षता तथा जोशीपुर गाउँपालिका अध्यक्ष चित्र बहादुर चौधरीको प्रमुख अतिथ्यतामा सम्पन्न भएको हो । एरिया डि. का १३ वटा शाखाको सहभागिता रहेको कार्यक्रममा वडा अध्यक्षहरु, वडा सदस्यहरु, जोशीपुर जेसीजका पूर्व अध्यक्षहरु, वोर्ड पदाधिकारी एवं सदस्यहरुको उपस्थिति रहेको थियो ।

जोशीपुर जेसीजलाई जोशीपुर गाउँपालिकाले सहयोग गर्दै आएको र आगामी दिनहरुमा पनि सहयोग रहने प्रमुख अतिथि एवं जोशीपुर गा.पा. अध्यक्षले बताउनु भयो । जोशीपुरको विकासमा जोशीपुर जेसीजको हातेमालो आवश्यक रहेको पनि वहाँले बताउनु भयो ।

तालिमका प्रमुख प्रशिक्षक एवं नेपाल जेसीजका उपाध्यक्ष राजन शर्मा पौडेलले स्थानिय सरकारको काम कर्तव्य र जेसीजको काम कर्तव्य एउटै रहेको बताए । “फरक यति मात्र हो सरकार सँग पैसा हुन्छ जेसीज सँग पैसा हुदैन । आफ्नो खाजा नास्ता खर्च बचाएर जेसीजले समाजमा लगानी गरिरहेको हुन्छ।” वहाँले भन्नु भयो । जेसीजको अभियानलाई सफल बनाउनका लागि सरकार सदैव सकारात्मक हुन आवश्यक रहेको पनि उनले बताए ।

त्यसै गरि नेपाल जेसीजको कार्यक्रमलाई जोशीपुर जेसीजले आतिथ्यता गर्ने शौभाग्य प्राप्त गरेकोमा जोशीपुर जेसीजका अध्यक्ष भरत डंगौराले होष्ट च्याप्टरको तर्फबाट नेपाल जेसीज तथा को–होष्ट च्याप्टरहरुलाई धन्यवाद ज्ञापन गर्नु भएको थियो । तालिम पश्चात यस क्षेत्रका जेसीज यूवाहरुलाई थप उर्जा मिल्ने विश्वास लिएको पनि वहाँले बताउनु भयो । कार्यक्रमलाई जोशीपुर जेसीज वर्ष २०२४ का महासचिव भुमिसागर सुनारले सहजीकरण गर्नु भएको थियो ।