सुदूरपश्चिम विश्वविद्यालय अन्तर्गतका स्ववियुहरुले विश्वविद्यालय सुधारकालागि क्याम्पसमा संयुक्त ज्ञापनपत्र बुझाएका छन्। विभिन्न क्याम्पसका स्ववियु अध्यक्ष लगाएतका पदाधिकारी सदस्यहरुले संयुक्त रुपमा विश्वविद्यालयमा हुने राजनीतिक भागबण्डाको अन्त्य हुनुपर्ने, विद्यार्थी बाट निर्वाचित स्वतन्त्र विद्यार्थी युनियनलाई क्याम्पस र विश्वविद्यालयका विभिन्न मीटिंग छलफल हरुमा सहभागी गराउनु पर्ने, विद्यार्थीलाई समयमै किताब उपलब्ध गराई अध्ययन अध्यापनमा सहजीकरण गर्नुपर्ने, पढाइ सङ्गै विद्यार्थीलाई अतिरिक्त क्रियाकलापमा सहभागी गराउनु पर्ने लगाएतका विभिन्न मागहरु राख्दै ज्ञापनपत्र बुझाइएको छ। स्वतन्त्र विद्यार्थी युनियन कैलाली बहुमुखी क्याम्पसले सोही ज्ञापनपत्र केही समय अगाडि बुझाइसकेकोले आज ज्ञापनपत्र नबुझाई सामान्य छलफल गरिएको र अन्य सबै क्याम्पसका स्ववियुले आज ज्ञापनपत्र बुझाइएको छ जनाएको छ। पाटन बहुमुखी क्याम्पस बैतडी, दार्चुला बहुमुखी क्याम्पस दार्चुला, गोकुले बहुमुखी क्याम्पस दार्चुला लगाएतका क्याम्पसका स्ववियुको ज्ञापनपत्र बुझाएका हुन्। यो सङ्गै क्याम्पस र विश्वविद्यालयमा देखिएका अराजकताको अन्त्यगर्न सबै स्ववियु टीम निरन्तर लाग्ने स्ववियु अध्यक्ष हरुको भनाई रहेको छ ।
