धनगढी : नेपाल राष्ट्र बैंक कर्मचारी संघले आयोजना गरेको अन्तर बैङ्क फुटसल प्रतीयोगीताको आज समापन भएको छ। यही कार्तिक १७ र १८ गते धनगढीमा भएको उक्त प्रतियोगितामा विभिन्न बैङ्कका २० वटा टिमको सहभागिता रहेको थियो। २० वटा टिम मध्ये मुख्य प्रायोजकको रुपमा रहेको NIC Asia बैङ्कको टीम प्रथम भएको छ। हिमालयन बैंकलाई ४/२ को अन्तरले पराजित गर्दै NIC Asia प्रथम भएको हो। प्रथम टिमलाई नगद रू २५००० सहित ट्रफि प्रमाणपत्र प्रदान गरिएको छ। त्यसैगरी प्रतियोगितामा हिमालयन बैङ्क द्वितीय भएको छ। खेलमा उत्कृष्ट गोल रक्षक, उत्कृष्ट खेलाडी र सर्वाधिक गोल गर्ने खेलाडीलाई समेत नगद सहित सम्मान गरिएको छ। विजया दशमी तथा दिपावलीको अवसरमा शुभकामना तथा बैंकिंगसङ्गै खेल क्षेत्रमा खेलाडीहरुलाई प्रोत्साहन गर्ने उद्धेश्यले उक्त प्रतियोगितामा आयोजना गरिएको थियो ।
