कैलालीको जोशीपुर गाउँपालिका वाड नं ७ को खेलकुद कार्यक्रम उदघाटन तथा खेल सामाग्री हस्तन्तरण कार्यक्रम सम्पन्न भएको छ। वडा कार्यालयले खेलकुदका लागि छुट्याएको बजेट बाट वडा स्तरीय फुटबल तथा ब्याडमिन्टन प्रतियोगिता हुने भएको छ । वडा कार्यालयको आर्थिक सहयोगमा वाड नं ७ मा रहेको बौनिया युवक्लनको सहकार्यमा उक्त कार्यक्रम हुन गइरहेको हो । रघुनाथ आदर्श मा.बि. को खेल मैदानमा वौनियाँ युवा क्लवका सचिव श्री खुशीराम चौधरीको सभापतित्वमा सुरु भएको कार्यक्रममा जोशीपुर गाउँपालिका ७ नं. वडाका वडा अध्यक्ष बम बाहादुर शाह प्रमुख अथिती रहनुभएको थियो भने जोशीपुर गाउँपालिका गाउँ कार्यपालिका सदस्य श्री ईशरा कुमारी टमट्टा, जोशीपुर गाउँपालिका ७ नं. वडा सदस्य श्री हिरा प्रसाद चौधरी, जोशीपुर गाउँपालिका ७ नं. वडा सचिव श्री भुवन पाठक, जोशीपुर गाउँपालिका ५ नं. वडा सचिव श्री मनोज कुमार चौधरी, कैलाली बहुमुखी क्याम्पस धनगढीका स्व.बि.यु. सभापति यमराज जोशी लगाएत वडा भरिका खेलाडीहरूको उपस्थितिमा कार्यक्रम भएको थियो । उक्त प्रतियोगिता ३ दिन सम्म संचालन हुनेछ। प्रतियोगितामा वडा भित्रका बिभिन्न टोलबाट ८ वटा टिम दर्ता भएकाछन् ।
