कैलालीको जोशीपुर गाउँपलिका भित्र हिजोआज चोरीकाघटना दिनप्रतिदिन बढिरहेका छन् ! वडा नम्बर ७ घैला बौनियाँमा हिजो करिब बिहान ९ बजेको समयमा सीता श्रेष्ठ को घरभित्र बाट चार्जमा लगाएको एकथान मोबाइल र राधा चौधरीको किराना पसल को काउन्टर बाट करिब १० हजार नगद चोरी भएको पीडित पक्षले जानकारी दिएको छ ।
आज फेरि वडा नं. २ वरगदही निवासी सुरत चौधरीको घरको भित्ता फोडी घरभित्रबाट १३ आना सुनका गहना सहित नगद चोरी भएको छ। विहान करिव १०:३० बजे देखि ११:१५ बजेको विचमा चोरी भएको घरमुलि सुरत चौधरी कि श्रीमति मिना चौधरीले बताउनु भयो । १० बजे श्रीमान् विद्यालय गएको र आफु १०:३० बजे गाउँमा बैठकमा गएको बेला चोरी भएको उहाँले बताउनु भयो ।
बैठकबाट करिव ४५ मिनेटको समयमा चोरले घरको भित्ता काटी दराजलाई घर भित्र राखिएको हसिया (बाँका) ले ताला टुटाई चोरी गरिएको छ। दुई वर्ष सम्म खुत्रुकेमा जम्मा गरिएको ५ हजार रुपैया र ३ हजार रुपैया व्यागको खल्टीबाट , भरखरै बनाएको १३ आना सुनको गहना र नगद ८ हजार रुपैया चोरी भएको उनले बताए । घटना स्थलमा ईलाका प्रहरी कार्यालय जोशीपुरको टोली र पत्रकार प्रत्यक्ष बस्तुस्थिति वुझ्न पुगेका थिए । ईलाका प्रहरी कार्यालय जोशीपुरले उक्त घटनाको छानविन गरि छिटोभन्दा छिटो दोषीलाई पत्ता लगाउने जनाएको छ ।
