चरिकोट १८, चैत । दोलखाको चरपकोटमा ट्रकले मोटरसाईकललाई ठक्कर दिँदा एक जनाको मृत्यु भएको छ । शनिवार विहान जिल्लाको भीमेश्वर नगरपालिका वडा नम्बर ७ स्थित दुध डेरी नजिकै भएको दुर्घट्नामा मोटरसाईकल चालकको मृत्यु भएको हो ।
प्रहरीका अनुसार काठमाडौंतर्फ जाँदै गरेको बा ४ ख ९७५ नम्बरको ट्रकले विपरित दिशाबाट आउँदै गरेको बा ९४ प ३२५५ नम्बरको मोटरसाइकललाई ठककर दिँदा काभ्रेपलाञ्चोकको महाभारत गाउँपालिकाका २० वर्षीय राजु मगरको मृत्यु भएको हो । मृतक राजु मगर चरिकोटको चोथाङमा बस्दै आएका थिए । दुर्घटनामा परि गम्भीर घाइते भएका मगरको च्छोरोल्पा अस्पतालमा उपचारका क्रममा मृत्यु भएको प्रहरीले जनाएको छ । दुर्घटनामा अर्का एक जना घाईते भएका छन् । मोटरसाईकलमा सवार धनुषाका अभिशेक शाह घाईते भएको र उनको च्छोरोल्पा अस्पतालमा उपचार भैरहेको छ । ठक्कर दिने ट्रकका चालक फरार छन् । उनको खोजी भैरहेको प्रहरीले जनएको छ ।
