काठमाडौं, ६ चैत । प्रधानमन्त्री पुष्पकमल दाहाल ‘प्रचण्ड’लाई संसदमा दोेस्रो पटक विश्वासको मत प्राप्त भएको छ । प्रधानमन्त्रीलाई दोस्रो पटक सोमबार संसदबाट विश्वासको मत प्राप्त भएको हो । संसदमा प्रस्तुत विश्वासको प्रस्तावको मतदानमा प्रधानमन्त्रीको पक्षमा १७२ र विपक्षमा ८९ मत परेको छ । संसद बैठकमा कूल २६२ सांसद उपस्थित थिए भने एक जना सांसद तटस्थ बसेका छन् ।
सभामुख देवराज घिमिरेले उक्त मत विभाजनको मतपरिणाम सार्वजनिक गर्दै प्रधानमन्त्री प्रचण्डलाई विश्वासको मत प्राप्त भएको घोषणा गरेका थिए ।
प्रधानमन्त्रीले अघिल्लो पटक गत पुस २६ गते विश्वासको मत लिएका थिए ।