नेपाल रेडक्रस सोसाइटी, दोलखा जिल्ला शाखाको सभापतिमा इश्वरीप्रसाद दाहाल निर्वाचित हुनुभएको छ । दोलखा सदरमुकाम चरिकोटमा आज सम्पन्न ४१औँ जिल्ला सभा तथा १३औँ अधिवेशनले सर्वसम्मत रुपमा दाहाललाई दोलखा जिल्ला शाखाको सभापति पदमा निर्वाचित गरेको हो । अधिवेशनले सभापतिसहित १७ सदसीय जिल्ला कार्यसमिति निर्वाचित गरेको छ । यसैगरी शाखाको उपसभापतिमा बाबुकाजी बस्नेत निर्वाचित हुनभएको छ ।
त्यस्तै निर्वाचित अन्य पदाधिकारी तथा सदस्यहरुमा, रिता रिमाल–महिला उपसभापति, भरतनारायण प्रधान –मन्त्री, भिम बहादुर केसी–कोषाध्यक्ष, तामप्रसाद आपागाई–उपमन्त्री, खड्कध्वज खत्री–उपकोषाध्यक्ष रहनुभएको छ । सदस्यहरुमा राधादेवी मास्के, छलिमायाँ थामी, कल्पना केसी, रविचन्द्र आचार्य, कुमार बस्नेत, जगन्नाथ वस्नेत, बावुलाल लामा, कुमार तमाङ औतारी, कुसुम लामा र नवराज पाठक निर्वाचित हुनुभएको छ ।
