स्थानीय तहको निर्वाचनको समय नजिकिँदै गर्दा आदर्श गाउँपालिका डोटीमा पछिल्लो समय युवाहरुले नेतृत्वमा आउन चासो देखाई रहेका छन। यसैबीच आदर्श गाउँपालिका वाड १ बाँझ ककानी निवासी पूर्व सैनिक कमाण्डो दीपेन्द्र बहादुर खड्काको युवामाझ चर्चा भइरहेको छ । खड्काले पनि पार्टी संगठनले अगाडि सारेर मौका दिएको खण्डमा आफूले आफ्नो विगतको अनुभवलाई लिएर गाउँपालिकामा काम गरेर देखाउने गरी चासो दिइरहेका छन्।
पूर्व नेपाली सेनाका सैनिक कमाण्डो तथा आदर्श गाउँपालिकाबाट पहिलो राष्ट्रिय भलिबल खेलाडी रहेका खड्का पूर्व मार्सलाट खेलाडी समेत रहेका छन् । नेकपा एमालेका युवा नेता खड्का एमालेको भातृ संगठन राष्ट्रिय युवा संघ नेपालमा लामो समय काम गर्दै निर्वाचित केन्द्रीय कमिटी सदस्य हुँदै डोटी जिल्ला इन्चार्ज भई जिम्मेवारी निर्वाह गरिसकेका युवा हुन । खड्का हाल नेशनल युथ फोर्सका सुप सह कमाण्डर समेत रहेका छन्। उनले विगतमा सैनिक कमाण्डो सम्हाल्दा पनि राम्रो जिम्मेवारी बहन गरेको बताइन्छ ।
नेपाली सेनामा हुँदा २०७२ सालको भूकम्पमा पीडितहरूको उद्दारमा सक्रिय रूपमा खटिएका थिए । २०८० सालको जाजरकोटको भूकम्पमा राष्ट्रिय युवा संघको नेतृत्वमा हुँदा १०० वटा घर टहरा निर्माण गर्न महत्वपूर्ण योगदान गरेका थिए। राष्ट्रिय युवासंघ कप २०८१ मा खुला पुरुष भलिवल प्रतियोगिता सम्पन्न गर्न नेतृत्वदायी भूमिका निर्वाह समेत गरेका थिए। २०८२ असार महिनामा १५ दिने समुदाय विपत स्वयम सेवक तालीमको नेतृत्वदायी र विपद् व्यवस्थापनमा महत्वपूर्ण भूमिका खेलेको बताइन्छ ।
आदर्श गाउँपालिका भुण देखि मौवा मेल्लेक सडक स्तरोन्नतिका लागि सरकारी निकायहरूमा समन्वय महत्वपूर्ण भूमिका निर्वाह समेत गरेका थिए।
विगतको विभिन्न जिम्मेवारीबोध लिँदै प्रभावकारी ढंगबाट सम्पन्न गर्दै आफ्नो नेतृत्व क्षमता देखाइसकेका खड्का युवामाझ लोकप्रिय मानिन्छन्। धेरै युवा र समाजका अगुवाहरुको सुझाव लिँदै पार्टी संगठनका सबैको मन जित्दै जिम्मेवारी लिने कुरामा खड्का भित्र भित्रै लागेको पाइन्छ।
पार्टीले जिम्मेवारी दिए चुनाव पनि जितेर पार्टीको शिर उचो हुनेगरी काम काम गर्ने उनको दाबी रहेको छ।
