बझाङको बझाङद्विप बहुमुखी क्याम्पसका पूर्व स्ववियु सभापति तथा विप्लव निकट अखिल कसमाजवादीका नेता कमल थापा आज राष्ट्रिय स्वतन्त्र पार्टीमा प्रवेश गरेका छन्। पार्टीको सुदूर पश्चिम प्रदेश अधिवेशन चलिरहेको बेलामा महामन्त्री भुपदेव शाहबाट पार्टी प्रवेश गरेका हुन्।
तत्कालीन गठबन्धनलाई परास्त गर्दै अखिल (समाजवादी) बाट निर्वाचित पूर्व स्ववियु सभापति तथा बझाङ, बाजुरा र अछामका विद्यार्थी जिल्ला इन्चार्जको भूमिका निर्वाह गरिसकेका युवा नेता कमल थापा राष्ट्रिय स्वतन्त्र पार्टी (रास्वपा) मा प्रवेश गरेका छन्।
विद्यार्थी राजनीति हुँदै सामाजिक तथा राजनीतिक आन्दोलनमा सक्रिय रहँदै आएका थापा जिल्लामा अन्याय, अत्याचार, भ्रष्टाचार र बेथितिविरुद्ध निरन्तर आवाज उठाउने साहसी युवाका रूपमा परिचित छन्। स्ववियु सभापतिको जिम्मेवारीमा रहँदा उनले विद्यार्थी हित, शैक्षिक सुधार तथा सामाजिक उत्तरदायित्वका विभिन्न उदाहरणीय कार्यहरू सम्पन्न गरेका कारण विद्यार्थी र आम जनसमुदायबाट प्रशंसा प्राप्त गरेका थिए।
उनको यो नयाँ राजनीतिक यात्राले सुशासन, पारदर्शिता र परिवर्तनको पक्षमा थप योगदान पुग्ने अपेक्षा गरिएको छ।
विद्यार्थीमाझ लोकप्रिय थापा रास्वपा प्रवेश गरेपछि बझाङमा पार्टीमा थप उर्जा थपिएको रास्वपा बझाङका उम्मेद्वार शैलेश सिंहले बताएकाछन ।
