८ वर्षीया छोरी बलात्कार गरेको आरोपमा काठमाडौंको जोरपाटीमा बाबु पक्राउ परेका छन्।
काठमाडौं जिल्ला अदालतमा बाबुविरुद्ध अभियोग पत्र समेत दायर भएको छ । छोरीलाई बलात्कार गरेको भन्दै काठमाडौं जिल्ला अदालतमा बाबुविरुद्ध २०७९ माघ ८ गते श्रीमान्विरुद्ध श्रीमतीले जाहेरी दिएकी थिइन् ।
बाबुले मादक पदार्थ सेवन गरेर आएर ल्होसारका दिन आमा बाहिर गएको र दिदी अर्कै कोठामा रहेको मौकामा परेर आफूलाई बलात्कार गरेको बालिकाले बताएकी थिइन् ।
श्रीमतीले फसाएको र छोरीमाथि कहिल्यै त्यसो नगरेको पक्राउ परेका बाबुले दाबी गरेका छन् । समय-समयमा घरायसी विवाद हुँदा श्रीमतीले आफूलाई फसाउने गरेको उनको बयान छ ।
उनीविरुद्ध १६ देखि २० वर्षसम्मकै कैद सजाय माग गरिएको छ भने हाडनातामा भएको बलात्कारमा थप ३ देखि ६ वर्ष कैद पनि मागदाबी गरियको छ ।
सांकेतिक तस्बिर
