जिरी, १ चैत्र । जिरी उद्योग वाणिज्य संघको अध्यक्षमा बाबुराजा श्रेष्ठ निर्वाचित भएका छन् । संघको फागुन ३० गते सम्पन्न पाचौँ वार्षिक साधारणसभा अध्यक्ष श्रेष्ठ निर्वाचित भएका हुन् । श्रेष्ठले ९७ मत प्राप्त गरेका छन् भने संस्थापन पक्ष समुहका गेल्वु शेर्पाले ८२ मत प्राप्त गरेका छन् ।
यसैगरी, ९७ मत प्राप्त गर्दै जिरी उद्योग वाणिज्य संघको प्रथम उपाध्यक्षमा आङगेल्जी शेर्पा निर्वाचित हुँदा ८९ मतसहित द्वितीय उपाध्यक्षमा शिवसकुमार बस्नेत विजयी भएका छन् ।
त्यसैगरी महासचिवमा अनिल कार्की, सचिवमा सुमन शामी, कोषध्यक्षमा संस्थापन पक्षका सुरज खड्का निर्वाचित भएका छन् । यसैगरी, सदस्यहरुमा गया श्रेष्ठ, यामबहादुर खत्री, दिपेन्द्र खड्का, र पेमाटुण्डु शेर्पा निर्वाचित भएका छन् । श्रेष्ठको प्यानलमा अध्यक्ष, प्रथम उपाध्यक्ष , द्वितीय उपाध्यक्ष र सचिव निर्वाचित भएका छन्भ भने शेर्पा समुहको पक्षबाट कोषअध्यक्ष र चार जना सदस्य निर्वाचित भएका छन् ।
